1. Ada
  2. Upungufu wa madini ya chuma (upungufu wa damu)

Upungufu wa madini ya chuma (upungufu wa damu)

Imeandikwa na Timu ya Ada ya Maarifa ya Kitiba

Imesasishwa tarehe

Muhtasari

Upungufu wa damu kutokana na kupungua kwa madini ya chuma ni kati ya aina kuu za upungufu wa damu. Ni hali ambayo mwili hauna madini ya chuma ya kutosha ili kutengeneza chembechembe nyekundu za damu. Madini ya chuma kwenye chembechembe nyekundu za damu husafirisha oksijeni kwenye tishu za mwili. Hali hii hutokea zaidi kwa wanawake wenye umri wa kupata mimba, ingawa inaweza kumathiri mtu mwenye umri wowote.

Sababu za hali hii kutokea hujumuisha kutoka damu kwa muda mrefu, magonjwa sugu ya mfumo wa kumeng'enya chakula na kuwa na lishe yenye kiwango kidogo cha vyakula vyenye madini ya chuma. Dalili za kawaida za upungufu wa damu ni uchovu, udhaifu, kukosa nguvu, kuishiwa pumzi, ngozi kupauka, na matatizo ya nywele na kucha.

Matibabu kawaida hujumuisha virutubisho vya madini ya chuma na kuongeza madini ya chuma kwenye lishe. Watu wengi hupona vizuri kwa kutumia virutubisho na kwa kutibu chanzo ya hali hii kutokea.

Jaribu app ya Ada bure kwa tathmini ya awali ya dalili.

Hatari

Upungufu wa damu ina maana kwamba mwili hauna seli za damu nyekundu za kutosha na hemoglobin kusafirisha oksijeni kuzunguka mwili. Upungufu wa damu kutokana na kupungua kwa madini ya chuma husababishwa kutokana na ukosefu wa madini chuma na hemoglobini, ambayo inahitajika kwa kuunganisha oksijeni na seli nyekundu za damu. Hali hii inaweza kutokea wakati mwili hauna madini chuma ya kutosha kutengeneza seli nyekundu za damu. Hali hii mara nyingi hutokea baada ya mtu kupoteza kiasi kikubwa cha damu au wakati wa ujauzito wakati mwili unahitaji madini chuma zaidi kuliko kawaida.

Inaweza pia kutokea polepole baada ya muda kama mtu hapati madini chuma ya kutosha. Upungufu wa madini chuma ni moja ya sababu za kawaida za upungufu wa damu. Hali hii ni ya kawaida kwa wanawake wa umri wa kuzaa.

Jaribu app ya Ada bure kwa tathmini ya awali ya dalili.

Dalili

Watu wenye upungufu kiasi wa damu mara nyingi hawana dalili. Dalili za kawaida ni uchovu, udhaifu, ukosefu wa nishati, upungufu wa kupumua na kupauka kwa ngozi. Dalili zingine zinaweza kujumuisha matatizo ya kuzingatia, maumivu ya kichwa,kucha nyeupe, upotevu wa nywele, nyufa katika kona ya kinywa, ugumu kumeza na ulimi kuumwa.

Utambuzi

Utambuzi mara nyingi hutegemea dalili za mtu ambaye ana hatari ya kuwa na upungufu wa madini chuma. Uchunguzi wa damu unafanywa kuchunguza idadi na ukubwa wa seli nyekundu za damu, pamoja na kiwango cha hemoglobin na viwango vya madini chuma. Vipimo vingine, kama vile endoscopy (kamera rahisi kupitia mdomo kwa kuangalia tumbo) inaweza kuhitajika kutambua sababu ya upungufu wa damu wa madini chuma.

Matibabu

Ikiwa upungufu wa damu wa madini ya chuma ni ishara ya ugonjwa mwingine wa msingi, hali hiyo inapaswa kutibiwa ili kuzuia kupoteza madini chuma zaidi au matatizo na ulaji wa madini chuma.

Ikiwa hakuna tatizo katika utumiaji wa madini chuma, watu wenye upungufu wa madini chuma wanapaswa kula vyakula vya madini chuma, kama vile mbaazi na maharagwe, samaki, nyama, mboga za majani,mchele wa rangi ya kahawia, mayai na matunda yaliyokaushwa kama vile apricot na mboga . Watu walio na kiwango cha chini cha madini chuma katika miili yao wanaweza kutumia virutubisho kurejesha au, ikiwa kiasi kikubwa kinahitajika, na sindano.

Kinga

mlo kamili wenye kiwango cha kutosha cha madini ya chuma kinaweza kusaidia kuzuia upungufu wa madini chuma. Wanawake wajawazito wanapaswa kuzingatia kuchukua ziada ya madini chuma ili kuzuia hali hii.

Utabiri

Mtazamo ni mzuri ikiwa upungufu wa damu wa madini chuma sio matokeo ya matatizo mabaya. Kurejea katika kesi hizo kunategemea matibabu ya hali ya msingi. Watu wengi wanaweza kujitibu au kusimamia upungufu wa damu wa madini chuma kwa kutumia virutubisho vya madini chuma.