Timu yetu ya uongozi

Daniel Nathrath

Daniel Nathrath

Mwanzilishi-mwenza & Afisa Mtendaji Mkuu

Daniel ana uzoefu wa karibia miaka 20 akiongoza mapambano ya kuleta teknolojia badilishi kwenye sekta mpya za biashara. Katika maisha yake ya kikazi, ameanzisha na kuongoza biashara kadhaa za wavuti nchini Denmark, Ujerumani, Marekani na Uingereza. Baada ya kusoma sheria kama mdhaminiwa wa Fulbright katika chuo cha Houston, alihitimu Shahada ya Uzamili ya Biashara (MBA) katika chuo cha Chicago. Baadae alifanya kazi Boston Consulting Group kabla ya kuanza safari yake ya ujasiriamali.

Dk. Claire Novorol

Dk. Claire Novorol

Mwanzilishi-mwenza & Afisa Mkuu wa Masuala ya Kitiba

Claire ni daktari. Alifanya kazi kama daktari wa watoto jijini London kabla ya kubobea katika jenetikia. Amehitimu Shahada mbili, yaani ya Patholojia na ya Udaktari kutoka Chuo Kikuu cha Bristol, na Shahada ya Uzamivu (PhD) katika Sayansi ya Mfumo wa Neva kutoka Chuo Kikuu cha Cambridge, nchini Uingereza. Claire anasimamia ubora wa kitiba pamoja na timu zetu za kitiba. Anawakilisha sauti za wagonjwa na wataalamu wa huduma za afya ili kuhakikisha bidhaa zetu zinakidhi mahitaji yao.

Prof. Dk. Martin Hirsch

Prof. Dk. Martin Hirsch

Mwanzilishi-mwenza & Mshauri Mkuu wa Masuala ya Kisayansi

Martin ana Shahada ya Uzamivu katika Sayansi ya Mfumo wa Neva na diploma katika Fiziolojia. Martin ni mtafiti wa masuala ya kitiba aliyegeuka kuwa mjasiriamali, na alihama kutoka nadharia hadi uvumbuzi baada ya kuchapisha kazi yake kuhusu miundo mfano ya neva (nerve modeling) katika Jarida la Kisayansi la Nature. Ubia wake wa kwanza ulikuwa kwenye mpango wa uundaji wa neva ambao uliokoa maelfu ya wanyama kutoka kwenye jaribio la maabara. Alitengeneza toleo la kwanza la Ada kwa ajili ya madaktari na anaendelea kutoa mwelekeo wa namna Ada inavyojifunza leo. Martin ni mjukuu wa Werner Heisenberg, ambaye ni mshindi wa tuzo ya Nobeli.

Dk. Urban Liebel

Dk. Urban Liebel

Afisa Mkuu wa Teknolojia

Urban ni mvumbuzi wa mtiririko wa kazi wa kidijitali ambaye anaongoza timu zetu katika kuunda bidhaa na masuluhisho imara. Urban alianzisha Kituo cha Utafiti wa Teknolojia cha Taasisi ya Karlsruhe (Karlsruhe Institute of Technology Screening Center) na aliendelea kushiriki katika uundaji wa bidhaa kwa ajili ya makampuni kama vile Leica Microsystems na Olympus Europe. Uvumbuzi wa darubini zake ulisaidia utafiti wa jenetiki ya binadamu na samaki (zebrafish) na mifumo yake jumuishi ya uchakataji wa data hukamilisha utendaji wa huduma za cloud (cloud services) katika maabara duniani kote. "Lengo langu ni kuisaidia Ada kuboresha matokeo ya huduma za afya kwa watu bilioni 1."

Jeff Cutler

Jeff Cutler

Afisa Mkuu wa Biashara (Mabara ya Amerika)

Ana uzoefu wa zaidi ya miaka 25 kwenye sekta ya huduma za afya na vyombo vya habari vya kidijitali. Jeff anaongoza biashara yetu katika mabara ya Amerika, akiwa na majukumu ya kuanzisha mahusiano na mifumo ya afya, bima, waajiri, na majukwaa mengine ya kidijitali ya afya. Kabla ya Ada, Jeff aliongoza uzinduzi wa TytoCare na Vitals nchini Marekani. “Kusudio langu ni kuendeleza misheni yetu ya kuleta demokrasia katika upatikanaji wa huduma za afya -  kwa kutengeneza mahusiano ya maana ambayo yanakwenda sambamba na maadili yetu.”

Vanessa Lemarié

Afisa Mkuu wa Mahusiano na Washirika

Vanessa anahakikisha mashirikiano yetu yanakuwa na manufaa makubwa kwa washirika wetu na watumiaji wa huduma zao kupitia AI ya kitiba ya Ada. Kabla ya kujiunga na Ada, aliongoza timu za masoko na biashara kwenye kampuni ya Bayer kwa miaka 15. “Tunashirikiana na kampuni zenye ubunifu zaidi katika tasnia yetu. Lengo letu ni kuwezesha utambuzi wa mapema na sahihi zaidi wa magonjwa na uaguzi huku tukifanikisha uendelevu wa kibiashara.”

Gülsah Wilke

Gülsah Wilke

Afisa Mkuu wa Utekelezaji

Gülsah ni kiongozi katika masuala ya teknolojia mwenye historia ya kukuza makampuni, kuboresha utaratibu wa shirika, na kuongoza mabadiliko ya kidijitali. Anapendelea kukuza timu mbalimbali na kuwawezesha watu kutoka tamaduni zote katika sekta ya teknolojia. Kwa nafasi yake kama Afisa Mkuu wa Utekelezaji (COO), Gülsah anasimamia mkakati wetu wa biashara na utekelezaji wake, pamoja na vitengo vya wafanyakazi na utamaduni, sheria, masoko, na mawasiliano. "Ninatarajia kusaidia kuboresha zaidi mafanikio ya kipekee ya kampuni yaliyokwishapatikana na ukuaji wake kwa kushirikiana na timu ya Ada."

Torsten Schero

Torsten Schero

Afisa Mkuu wa Fedha

Torsten ni kiongozi na mpanga mikakati mwenye uzoefu wa zaidi ya miaka 15 katika majukumu ya kiutendaji na ya kiushauri, pamoja na kufanya kazi Amazon Deutschland, ambapo alikuwa Afisa Mkuu wa Fedha (CFO) na Mkurugenzi Mtendaji (MD) wa biashara ya media. Naye pia ni mwekezaji katika makampuni chipukizi kadhaa. Kwa nafasi yake kama CFO wa Ada, Torsten anasimamia mkakati wetu wa kifedha na shughuli za ufadhili na anasimamia uhusiano wetu na wawekezaji wakati tukipanga mkakati mpya wa ukuaji. "Nina furaha ya kufanya kazi na timu nzuri kama hii ili kufanya maono ya Ada yatimie kwa watu wengi zaidi duniani kote."

Marvin Rottenberg

Marvin Rottenberg

Makamu wa Rais wa Masoko

Kabla ya Ada, Marvin alifanya kazi Google na alijikita kwenye utendaji & bidhaa sokoni ambapo alifanya mashauriano na makampuni na mashirika ya kimataifa kuhusu mikakati ya ukuaji kidijitali. Anasimamia idara yetu ya masoko, shughuli zote za masoko duniani, na ana jukumu la upatikanaji wa watumiaji wa app yetu, umaarufu na ukuaji wa Ada. "Watu bilioni 3 wanashindwa kupata huduma muhimu za afya. Nakata Ada ipunguze hiyo namba mpaka 0."

Ewelina Türk

Ewelina Türk

Makamu wa Rais wa AI ya Kitiba

Ewelina anaongoza idara yetu ya msingi wa teknolojia inayotoa maarifa ya kitiba ya Ada. Amesomea udaktari katika chuo cha tiba cha Charité, Berlin, akiweka maslahi zaidi kwenye magonjwa ya watoto, haswa huduma za dharura na kinga. Pamoja na majukumu yake ya kikazi kwetu, Ewelina anamalizia Shahada ya Uzamivu katika Magonjwa ya Baridi Yabisi kwa watoto. “Ninasaidia timu zetu kuunda AI ya kitiba bora kabisa duniani."

Henry Hoffmann

Henry Hoffmann

Mkurugenzi wa Utafiti

Henry ameongoza ukuzaji wa teknolojia ya msingi ya Ada, anakuza mahesabu ya Akili Bandia (AI), mifano ya lugha bandia, na njia mpya za uwakilishi wa maarifa. Akiwa kama Mkurugenzi wa Timu ya Utafiti ya Ada, anaongoza ukuzaji wa teknolojia ya baadaye ya Ada. “Kwangu mimi, daima ni kuhusu hatua inayofuata - kuendelea kusonga mbele na kwenda ambapo hamna aliyewahi kabla kwenda.”

Hila Azadzoy

Hila Azadzoy

Mkurugenzi Mtendaji, Global Health Initiative

Hila anaongoza Mpango wetu wa Afya Duniani (Global Health Initiative) ili kuboresha upatikanaji wa huduma za afya kwenye nchi zisizo na rasilimali za kutosha. Kabla ya Ada, Hila alikuwa ni mmoja wa waanzilishi na Mkuu wa Taaluma wa Chuo Huria cha Kiron. Ni mnufaika wa Tuzo ya Digital Female Leader, mwanachama wa MIT Solve, na mzungumzaji hodari wa hadhara (TEDx, Clinton Global Initiative, UNESCO NGO Forum). “Nimejitolea kutumia teknolojia kwa manufaa ya jamii.”

Daniel Nathrath

Daniel Nathrath

Mwanzilishi-mwenza & Afisa Mtendaji Mkuu

Dk. Claire Novorol

Dk. Claire Novorol

Mwanzilishi-mwenza & Afisa Mkuu wa Masuala ya Kitiba

Prof. Dk. Martin Hirsch

Prof. Dk. Martin Hirsch

Mwanzilishi-mwenza & Mshauri Mkuu wa Masuala ya Kisayansi

Dk. Urban Liebel

Dk. Urban Liebel

Afisa Mkuu wa Teknolojia

Jeff Cutler

Jeff Cutler

Afisa Mkuu wa Biashara (Mabara ya Amerika)

Vanessa Lemarié

Afisa Mkuu wa Mahusiano na Washirika

Gülsah Wilke

Gülsah Wilke

Afisa Mkuu wa Utekelezaji

Torsten Schero

Torsten Schero

Afisa Mkuu wa Fedha

Marvin Rottenberg

Marvin Rottenberg

Makamu wa Rais wa Masoko

Ewelina Türk

Ewelina Türk

Makamu wa Rais wa AI ya Kitiba

Henry Hoffmann

Henry Hoffmann

Mkurugenzi wa Utafiti

Hila Azadzoy

Hila Azadzoy

Mkurugenzi Mtendaji, Global Health Initiative